ابني الفرود
صلي الفروض
عدي الحدود
قوم .. ثور
و ناضل
ايه
لسه فاضل
ما يبكيناش
تدور الرحايا
عد الضحايا
كام منا
ميت ؟
كام - برضه -
عاش ؟
آه يا ولدي
لو لجل بلدي
لو لجل غاية
كنت ارتويت
لكن علام
و الدية كام
كراسة تشجب
وسط الحطام
مسئول يحاسب
مسئول يقال
اكتب قصيده
انشر مقال
لو لسه فيه
قيمه لكلام
ولدي التلاته
اربع بنات
ايه
قيمة اللي عايش ؟
ايه
قيمة اللي مات ؟
شون ولادي
ف الميكروباص
و ادفعلي ديه
على كل راس
حتى الفلوس
مستخسرينها
و فاكرني هرضى
الا القصاص
بلدي اللي مات
فيها الرجال
اوعاكو يوم
تستعملوها
مصر اللي مات
فيها الرجال
تحفظ بعيدا
عن روح العيال
ضياء الدين - 2012
القصيده انا سميتها "حبيبة"على اسم البنت اللى في الفيديو ده
و اللي مفيش كلام هيبقى اصدق من كلامها
في التعبير عن الفاجعه و المسئولين عنها
