امضا و ختم

امضا و ختم و دباسه
و فكره في آخر الكراسه
الحلم على الختم مسيّل
و بتدي السكاته لعيل
و تسكت قلبك برصاصه

امضا و ختم و دبابيس
و قلب في آخر الكراريس
و بسبب استعجال الناس
و " ملل م الوحده و نفسي اتباس "
راح تنهي حياتك بعريس

دباسه و ختم و توقيع
بتروّح م الشغل تنام
و تقوم م النوم تحسب كام
و تشد لأحلامها لجام
و بتستنى العمر يضيع

دباسه و ختم و روح وقّع
اشتبهوا عشان ف عنيك لمعه
او نزلت من عينك دمعه
و الدم علامات في اكمامك
زي الجامع .. لسه مبقّع

ضياء الدين - ٢٠١٤

في مِبْسمِ التبغِ

(١)
تنهيدةٌ طويلةٌ .. فَصمْت
و فراق كل العاشِقين شرط
و الحبُ ..
متصلٌ بنهرِِ كآبةٍ
و بذورِِ قحط
و الروحُ قد ترْنو
الى الآفاق
حاملةً ..
حُبوب لقاحٍ
بين طيات الثرى
فتعود تلتمس الأمان
في مبسم التبغ
فلتفظها نفوس العابثين
بعدما
سارت ..
على غير هدى
فلا هي حملت ..
ببعض البذور
و احلامي التى
لا تثور
و انفاس ايامي .. الآتيه
كصورة جارية .. عاريه
عليها من الموبقاتِ
امل
و دهر .. بغيض
كجرذ .. ثمــل

(٢)
لأن العشق اجهاض تكرر
خَلُصْنا منه
بنفسِ النتائج
بأن الطفل دوما قد تحرر
اراح الحياة
و لما يُحَاجِج
و كانت على راحتيه
الغموض
فلما انتبهنا لها
فرّ منّا
و اخْشَاكِ دوماً .. يوماً
نعود
فننسى الحقيقة .. ذلك انّا
الحتفنا كلينا
بذات الرداء
و آويتُ خِصري .. في داخِلِك
و لما اختلى بي
بعض الشقاء
ازحْتُ ذنوبي .. عن كاهِلِك
لكي اعترف
بما اقترف
فقولي ايوماً
انال الصكوك ؟
و هل سوف اُشمل
بالمغفره ؟
فقد كنت دوماً
بوجه ضَحوك
كراهب فرّ
من المقبره
فما عاد بطش
لذلك فرّ
و لكن اتى .. بالسماحة
عــمــرو

ضياء الدين ( ٢٠٠٧ - ٢٠١٤ )

الكنز ف الرحله

روحي اللي ملت
من انين طالع

يدوش سما صافيه

ف عز الصيف

بتقلي مين

يقرالك الطالع

و الغيب ده لو تعرفه

هتعند

بس هتزيد خوف

وانا هغزل النول

قصادك

بس انت مش هتنول

مرادك

ياللي انت رايد تنجرح

خليك

غازل شقاك 

واتمنى لو نسمه

عاتب فتاك

وامشي ورا الرسمه

مهتلاقيش الحوت

بس التقيت .. بسمه

قالوا زمان ف الاثر

الكنز ف الرحله

وموكب السلاطين

للغلبانين يحلى

بس اللي قتل الغلام

شاف قصرهم .. رمله

فعشان كده الماضي

مهوش نسيان

و الجاي مش .. امله

ضياء الدين - ٢٠١٣