امضا و ختم و دباسه
و فكره في آخر الكراسه
الحلم على الختم مسيّل
و بتدي السكاته لعيل
و تسكت قلبك برصاصه
و فكره في آخر الكراسه
الحلم على الختم مسيّل
و بتدي السكاته لعيل
و تسكت قلبك برصاصه
امضا و ختم و دبابيس
و قلب في آخر الكراريس
و بسبب استعجال الناس
و " ملل م الوحده و نفسي اتباس "
راح تنهي حياتك بعريس
و قلب في آخر الكراريس
و بسبب استعجال الناس
و " ملل م الوحده و نفسي اتباس "
راح تنهي حياتك بعريس
دباسه و ختم و توقيع
بتروّح م الشغل تنام
و تقوم م النوم تحسب كام
و تشد لأحلامها لجام
و بتستنى العمر يضيع
بتروّح م الشغل تنام
و تقوم م النوم تحسب كام
و تشد لأحلامها لجام
و بتستنى العمر يضيع
دباسه و ختم و روح وقّع
اشتبهوا عشان ف عنيك لمعه
او نزلت من عينك دمعه
و الدم علامات في اكمامك
زي الجامع .. لسه مبقّع
اشتبهوا عشان ف عنيك لمعه
او نزلت من عينك دمعه
و الدم علامات في اكمامك
زي الجامع .. لسه مبقّع
ضياء الدين - ٢٠١٤
