بني وطني ( نشيد الانقلاب )

اجتازت بلادنا
سنينا عصيبه
علينا و عليكم
و ع السامعين
قالولي يا انور

 شمالك مصيبه
و سبوبه لو
شفتها م اليمين
فنظرا لما قد
لاقته البلاد
مفيش مسئوليه
لكن في فساد
راس المال مسيطر
فاطلق سراح
سجين اشتراكي
و هات انفتاح
فجيش قادته خونه
و عامر شريف
و ليه تقولوا فاسد ؟
ده دمه خفيف
و ليه تقولوا نكسه ؟
ده ربك ستر
و اهو عشانكوا كره
الحياه و انتحر
و كان فيكوا باشا
و افندي .. و بيه
فنظرا ليه
و بناءا عليه
طهرنا نفوسنا
و تولى امرنا
اللي هيسرق بلادنا
طول الستين سنه
عارفكوا انتظرتوا
على جمر حار
و احنا كمان
انتظرنا النبأ
فلما تلاقونا
اعتلقنا و حكمنا
مسمعش عشمتني
بالحلق
بقول للأجانب اتطمنوا
و اوعوا تخافوا ف
يوم ع الفلوس
و للانجليز على
جنب اركنوا
ده جاى بعدكوا
الامريكان و الروس
فيا شعب مصر
العظيم من زمان
تخرب هتلقى
جزاء اللى خان
و لو شايف إنا
نهبنا القصور
قوللي لايه تاني
ممكن نثور


نشيد الانقلاب
( قراءة في بيان 23 يوليو 1952 )
ضياء الدين - 2013